USV: Mareano ønsker å kartlegge med ubemanna overflatefartøy (USV) i 2025. Anbodsprosessen med USV som kartleggingsplattform vil hjelpe Mareano med å utvikle spesifikasjon og tildelingskriteria for klima- og miljøomsyn brukt i offentlege anskaffingar. Foto: Geir Pedersen / Havforskningsinstituttet
Foto: Geir Pedersen / HavforskningsinstituttetPublisert: 28.01.2025
– I denne anskaffinga er det erfaring med USV vi ønsker. Mareano-programmet krevjar derfor at USV må vere plattforma som står for datainnsamling, informerer Helge Welde i Kartverket.
Anbodskonkurransen er lyst ut på Doffin og TED:
Anbodsfrist er sett til 24. februar 2025.
Kontrakten har ein verdi på 6 000 000 NOK, med moglegheit for ein opsjon på inntil 10 000 000 NOK i tillegg. Mareano ber om pris per kvadratkilometer, ikkje døgnpris.
Dagens tekniske spesifikasjon for djupnekartlegging er revidert med tanke på bruk av USV, samt opning for bruk av fleire typar ekkolodd.
– Tilbakemeldingane vi har fått gjennom dialog med industrien har vore svært verdifulle under arbeidet med å revidere teknisk spesifikasjon for anbodet, seier Welde.
Måleområda i Nordsjøen er avgrensa til område grunnare enn 250 meter innafor blokkane NRE-2-trekant og NRE-7, som vist i kart. Dette er dei prioriterte områda som er viktigast for Mareano å få kartlagt. Sidan Mareano enno ikkje kjenner prisnivået tilstrekkeleg, har vi inkludert ytterlegare tre moglege område austover.
Anbodsprosessen med USV som kartleggingsplattform vil hjelpe Mareano med å utvikle spesifikasjon og tildelingskriteria for klima- og miljøomsyn brukt i offentlege anskaffingar.
– Bruk av USV-er er éin metode å redusere klima- og miljøavtrykk når vi kartlegg havbotn. Årets anskaffing vil gi oss eit viktig læringsgrunnlag for framtidige anbodskonkurransar, fortel Welde.
Kartlegging av havbotn må gjerast med lågare klima- og miljøavtrykk. Eit av verktøya som blir brukt for å redusere påverknaden er offentlege anskaffingar. I januar 2024 blei det innført endring i forskrift om offentlege anskaffingar (anskaffelsesforskriften). Klima og miljø blir no vekta høgare i offentlege anskaffingar.
Korleis Mareano innrettar anbodet for kartlegging av havbotn i 2026 er ikkje bestemt:
– Det må vi sjå på etter at erfaringane med årets USV-baserte innsamling er evaluert. Det er naturleg å anta at tradisjonelle målefartøy med mannskap vil vere relevante også framover, spesielt med tanke på at Mareano også har behov for å kartlegge utilgjengelege område, som djuphavet i Norskehavet, seier Helge Welde.
