Dataa i denne tenesta er tilgjengelege under lisensane CC-BY 4.0 og NLOD. Dei er også tilgjengelege med DOI på Norsk Marint Datasenter (NMDC; søk etter MarChem). Dersom dataa vert brukt i vitskaplege publikasjonar forventar me at dataa vert referert til slik det er spesifisert på datasetta sine landingssider på NMDC.
Databasen inneheld (per august 2024) organiske data frå Mareano samla inn mellom 2006 og 2022. Foreløpig manglar data frå uorganisk kjemi og mikroplast. For organisk kjemi manglar data frå 2003 og 2004, samt data frå Marine Grunnkart i kystsonen. Innan desse vert tilgjengelege i MarChem kan dei finnast i den utdaterte Kjemidatabasen (sist oppdatert mars 2023) som vil fases ut. Den inneheld data til og med 2021-prøvane.
Detaljerte metodebeskriving for prøvetaking og analyse er gitt i følgande metodedokument:
Databasen vert oppdatert på byrjinga av kvart år. Metodedokumenta oppdaterast når det trengst.
Mareano har samla inn sedimentprøver sidan 2006 som ein del av kartlegginga av sedimentsamansettinga og miljøtilstanden av norsk havbotn (Mareano sitt kjemiprogram). Desse prøvane vert systematisk analyserte for ein rekke parameter, inkl. fysiske eigenskapar samt uorganiske og organiske komponentar, i eit samarbeid mellom Norges geologiske undersøkelse (NGU) og Havforskingsinstituttet (HI). Resultata frå desse analysane blir samanstilte i årlege rapportar frå NGU (fysiske eigenskapar og uorganiske komponentar) og frå HI (organiske forbindelsar).
Mareano sitt kjemiprogram har i tillegg analysert tilsvarande sedimentprøver samla inn av HI i 2003–2004, før Mareano-kartlegginga formelt starta i 2005.
Meir om tungmetall og andre uorganiske miljøelement i marine sediment finn du her:
Datasettet viser innhaldet av tungmetall og andre uorganiske miljøelement (inkludert svovel, barium og arsen), samt mengda mikroplastpartiklar i marine sediment. I tillegg gir datasettet informasjon om samansetjinga av kornstorleiken, innhald av organisk karbon og karbonat.
Du finn meir om organiske forbindelsar i marine sediment her:
Datasettet viser innhaldet av hydrokarbonar og andre organiske forbindelsar, som persistente organiske miljøgifter (inkludert nye miljøgifter) i marine sediment.
Sedimentprøver for geokjemiske analysar på NGU og HI er primært henta frå område med finkorna sediment både i opne marine avsettingsmiljø og kystnære havområde. Prøvetettleiken varierer avhengig av lokalisering. Det er større prøvetettleik i fjordar og kystnære område, mens det i opne havområde er lågare prøvetettleik.
