Djupnekartlegging ute på anbod

Mareano sett kursen mot Nordsjøen også i 2024. Nye marine næringar – som havvind og havbruk til havs – og føreslåtte særleg verdifulle og sårbare område (SVO) i Nordsjøen, gir behov for kunnskap om korleis havet og havbotn faktisk er.

I tillegg til Mareano si årlege løyve frå Klima- og miljødepartementet og Nærings- og fiskeridepartementet, er det gitt tilskot frå Energidepartementet til naturkartlegging av havvindområde.Tilskotet skal auke kunnskapsnivået om naturmangfald og miljø i dei områda som er aktuelle for utlysing i 2025. Områda som er aktuelle for utlysing er Sørvest F, Vestavind F og Vestavind B, identifisert av NVE med en direktoratsgruppe i 2023.

Anbodskonkurransen er lyst ut på Doffin og TED: 

• Sjå anbodskonkurranse for djupnekartlegging på Doffin
• Sjå anbodskonkurranse for djupnekartlegging på TED (engelsk)

Anbodet er delt inn i to kontraktar, med moglegheit for opsjonar: 

• Éin kontrakt for djupare område i Norskerenna med ein verdi på 20,55 millionar kroner 
• Éin kontrakt for grunnare område på Nordsjøplatået med ein verdi på 28 millionar kroner. 

Anbodsfristen er sett til 31. januar 2024. Resultatet av anbodsprosessen vil avgjere kor stort område i Nordsjøen som faktisk blir kartlagt i 2024.

Miljø- og klimakrav

Kartverket har inkludert klima- og miljøkrav i anbodskonkurransen. 

– Marknaden for null- og lågutsleppsfartøy er umodent i kartleggingsbransjen. Dette gjer at vi legg lista lågt for skal-krav, slik at flest mogleg leverandørar kan delta i anbodskonkurransen. Samtidig vil klima- og miljøvennlege løysingar få positiv utteljing i evaluering av tilbod, forklarar Nicolien Haasbroek, prosjektingeniør for Mareano i Kartverket.

Kartverket har stilt følgande miljø- og klimakrav (sjå detaljar i publisert anbodskonkurransen):

1. Kvalifikasjonskrav: System for miljøleiing eller miljøstyring i samsvar med ISO 14001 - miljøleiing eller tilsvarande. Dokumenterast ved sertifisering eller anna dokumentasjon.
2. Kravspesifikasjon:
   A) Skal-krav: Leverandøren beskriver energiforbruk på aktivitet utanom feltarbeid (minimum beskrive transport i forbindelse med mannskapsskifte og transport av fartøy og utstyr til mobilisering og frå demobilisering.
   B) Skal-krav: Estimere energiforbruk i knytt til feltarbeidet per kvadratkilometer sjømålt areal, samt angje type drivstoff.
   C) Skal-krav: Rapport kvar veke i forbindelse med feltarbeid skal inkludere forbruk av drivstoff.
3. Evalueringskriterium (vekta 30 prosent): Dokumentasjon av punkt 2 a og 2 b blir brukt i evalueringa. Lite bruk av energi per kvadratkilometer og bruk av grøn energi gjev høgast poengskår.

Krava kan utvikle seg i åra framover, etter kvart som bransjen utviklar seg og Kartverket får erfaring med bruk av miljø- og klimakrav.